朱晨麗與偶像張家輝拍戲心跳加速

一颗野菜

朱晨麗與偶像張家輝拍戲心跳加速　自爆被催婚：我一向都好被動

朱晨麗（朱朱）3月1日現身荃灣新天地出席無綫熱播劇集《輕·功》宣傳活動。朱朱透露現正為電影開工，所以未能在新春節假期回內地蘇州探望雙親，大感掛念：「其實呢排我已經開緊戲拍緊電影，今次有幸同我偶像影帝張家輝再次合作真係好緊張，而每次睇劇本時我都會心跳加速，點解會係咁，連我都唔知。記得對上一次同佢合作時就比較少互動，相對今次我係多咗同佢有對手戲嘅，所以望住佢嘅時候，就有一種粉絲望住自己個偶像一樣嘅感覺，係好奇妙。」

對於未能回鄉探雙親，朱朱表示：「其實而家科技咁發達，用手機視頻大家都可以見到面嘅。不過咁耐冇見到佢哋，始終都會泛起一種對佢哋嘅思念嘅情懷，尤其係過時過節嘅時候。（媽咪有催婚？）有呀，其實屋企人上年有提過一次，所以我係記喺心裏度。（對你造成壓力？）都有㗎，但冇話畀到呢啲壓力就可以盡快去做㗎嘛，始終我個人一向都好被動。」

王炸组合

感谢分享！
来自: iPhone客户端